Ayyankali Scholarship 2022-23
4, 7 ക്ലാസുകളിൽ മികച്ച ഗ്രേഡ് ലഭിക്കുന്ന (ഇപ്പോൾ 5,8 ക്ലാസുകളിൽ പഠിക്കുന്ന) പട്ടികജാതി വിഭാഗം വിദ്യാർത്ഥികളിൽ നിന്നും നിശ്ചിത മാനദണ്ഡങ്ങളുടെ അടിസ്ഥാനത്തിൽ തെരഞ്ഞെടുക്കപ്പെടുന്നവർക്ക് പത്താം ക്ലാസ്സ് വരെ പ്രതിവർഷം 4,500/- രൂപ വീതം സ്കോളർഷിപ്പ് നൽകുന്നു. പ്രസ്തുത പദ്ധതി 2022-23 വർഷം നടപ്പിലാക്കുന്നതിന് ഭരണാനുമതി ലഭ്യമായിട്ടുണ്ട്.
- നിലവിലുള്ള നിബന്ധനകൾ പ്രകാരം 4, 7 ക്ലാസുകളിലെ വാർഷിക പരീക്ഷയിൽ B വരെയുള്ള ഗ്രേഡുകൾ ലഭിച്ചവരുടെ അപേക്ഷകൾ സ്വീകരിക്കാവുന്നതാണ്. ഇപ്രകാരം ലഭിക്കുന്ന അപേക്ഷകളിൽ നിന്നും എല്ലാ വിഷയങ്ങൾക്കും A ഗ്രേഡ് ലഭിച്ചവരുടെ അപേക്ഷകൾ മാത്രം പ്രാഥമിക ഘട്ടത്തിൽ സൈറ്റിൽ എൻട്രി വരുത്തിയാൽ മതിയാകും.
- എൻട്രി വരുത്തുന്ന അപേക്ഷകൾ നിലവിലുള്ള മാനദണ്ഡങ്ങൾ അനുസരിച്ച് സൈറ്റ് മുഖേന ജില്ലാ തലത്തിൽ മുൻഗണന നിശ്ചയ്ക്കുന്നതും ഡേറ്റ ബന്ധപ്പെട്ട പട്ടികജാതി വികസന ഓഫീസർമാർക്ക് തുടർ നടപടികൾക്കായി കൈമാറുന്നതുമാണ്.
- പദ്ധതിക്കായി അപേക്ഷകൾ സ്വീകരിക്കുന്നതിനുള്ള അവസാന തീയതി 2022 നവംബർ 30 ആയിരിക്കും. നിശ്ചിത തീയതിക്ക് ശേഷം ലഭിക്കുന്ന അപേക്ഷകൾ സ്വീകരിക്കാൻ പാടുള്ളതല്ല.
- Renewal അപേക്ഷകൾ സംബന്ധിച്ച നടപടി ക്രമം പട്ടികജാതി വികസന വകുപ്പ് ഡയറക്ടർ പിന്നീട് പുറപ്പെടുവിക്കുന്നതാണ്.
▪️ജാതി സർട്ടിഫിക്കറ്റ്
▪️വരുമാന സർട്ടിഫിക്കറ്റ്
▪️മുൻ വർഷത്തെ (4, 7) ഗ്രേഡ് സർട്ടിഫിക്കറ്റ് (HM സാക്ഷ്യപ്പെടുത്തിയത്)
▪️ആധാർ കോപ്പി
▪️പാസ്ബുക്ക് കോപ്പി
▪️കലാ കായിക മത്സരങ്ങളിൽ പങ്കെടുത്ത സർട്ടിഫിക്കറ്റുകളുടെ കോപ്പി
(HM സാക്ഷ്യപ്പെടുത്തിയത്)
എന്നിവ
സഹിതം നിശ്ചിത മാതൃകയിലുള്ള അപേക്ഷ പ്രധാനാധ്യപകർ സാക്ഷ്യപ്പെടുത്തി
ബന്ധപ്പെട്ട ബ്ലോക്ക്/ മുനിസിപ്പാലിറ്റി/ കോർപ്പറേഷൻ പട്ടികജാതി വികസന
ഓഫീസിൽ നൽകണം.
Ayyankali Scholarship: Circular
Ayyankali Scholarship: Application Form
Last Date: 30/11/2022
-----------------
More Scholarships